Një aksident i rëndë automobilistik është shënuar mesditën e sotme në aksin Fier-Levan, pranë vendit të njohur si “Qafa e Koshovicës”, ku dy automjete janë përplasur me njëra-tjetrën duke shkaktuar dy persona të lënduar dhe dëme materiale të konsiderueshme.
Sipas raportimeve nga vendngjarja, në aksident janë përfshirë një mjet tip “Volkswagen” dhe një tjetër tip “Opel”, ku si pasojë e përplasjes së fortë, mjeti Opel ka dalë nga rruga, duke goditur një shtyllë elektrike dhe më pas një pemë, e cila është rrëzuar.
Ambulanca në vendngjarje – të plagosurit dërgohen në spital
Në vendin e ngjarjes mbërritën menjëherë forcat e Policisë Rrugore, ambulanca dhe grupi hetimor. Të dy të plagosurit janë transportuar në Spitalin Rajonal të Fierit, ku po marrin ndihmën e parë mjekësore. Deri më tani, nuk raportohet për rrezik për jetën.
Policia ka nisur hetimet për zbardhjen e plotë të rrethanave dhe shkaqeve që çuan në aksident, ndërsa qarkullimi në zonë është normalizuar pas ndërhyrjes së autoriteteve.