Një tragjedi ka tronditur qytetin e Vlorës pasditen e sotme, ku një 46-vjeçar dyshohet se i ka dhënë fund jetës duke u vetëhedhur nga kati i tretë i pallatit ku banonte.
Ngjarja ndodhi rreth orës 14:00 në lagjen “28 Nëntori”, pranë një zone të populluar, duke alarmuar banorët e zonës. Viktima është identifikuar si G. D., i cili ka ndërruar jetë si pasojë e plagëve të rënda që ka marrë nga rënia.
Burime të para policore tregojnë se viktima vuante nga probleme të shëndetit mendor dhe ishte përdorues i lëndëve narkotike, dy faktorë që mund të kenë ndikuar në gjendjen e tij psikologjike dhe në vendimin fatal.
Grupi hetimor ka mbërritur në vendngjarje, ndërkohë që po kryhen veprimet e para hetimore për të zbardhur rrethanat dhe motivet e sakta të ngjarjes.