Kryeministri izraelit, Benjamin Netanyahu, ngriti alarmin duke deklaruar se Irani po zhvillon një raketë balistike ndërkontinentale, e aftë të mbërrijë në zemër të Europës dhe Shteteve të Bashkuara.
Në një intervistë për podkasterin Patrick Bet-David, Netanyahu theksoi se raketa në zhvillim mund të mbajë koka bërthamore, duke përbërë një kërcënim serioz për Perëndimin.
“Teherani nuk po ndalet. Ata po përgatisin një raketë që mund të arrijë Europën dhe SHBA-në, duke e bërë rrezikun strategjik më urgjent se kurrë më parë,” u shpreh Netanyahu.
Deklarata vjen në një moment tensioni të lartë në Lindjen e Mesme, ku programi bërthamor iranian dhe testimet e raketave balistike kanë alarmuar vendet perëndimore. Përpjekjet e mëparshme për kufizimin e ambicieve të Teheranit kanë dështuar, ndërsa sanksionet ndërkombëtare nuk kanë arritur ta ndalin zhvillimin e mëtejshëm.
Sipas ekspertëve të sigurisë, një raketë e tillë mund të ndryshojë balancën strategjike në rajon, duke e bërë të domosdoshëm forcimin e mbrojtjes raketore të përbashkët mes vendeve perëndimore.