Kreu i SPAK, Altin Dumani, foli në Kuvend për hetimin ndaj zv.kryeministres Belinda Balluku dhe për raportimet mbi presionet ndaj prokurorit të çështjes, Dritan Prençi. Dumani sqaroi se është në komunikim të përhershëm me Prençin dhe se ky i fundit nuk i ka raportuar për asnjë kërcënim apo ndërhyrje.
“Është çështje në hetim, nuk jap asnjë koment. Prokurori Prençi dhe të gjithë prokurorët kanë përkrahjen time. Jam në komunikim të përhershëm me të dhe deri në këtë çast nuk më ka paraqitur asnjë kërcënim,” – deklaroi Dumani.
“Nuk bllokoj hetime, krijoj kushte për liri profesionale”
Dumani theksoi se nuk ka qenë asnjëherë pengesë për hetime dhe se përkundrazi, ka synuar të garantojë që prokurorët e posaçëm të kenë një ambient të lirë pune.
“Asnjëherë nuk kam qenë bllokues hetimesh. Përkundrazi, jam përpjekur që prokurorët të kenë një ambient të lirë për ndjekjen penale. I kam mbështetur dhe do t’i mbështes gjithmonë,” – shtoi ai.
Balluku, në qendër të hetimit për tenderat publikë
Sipas raportimeve mediatike, zv.kryeministrja Belinda Balluku ka marrë një fletë-thirrje nga SPAK në lidhje me hetimin për shkelje të barazisë në tendera, pas zbulimit të bisedave të ish-vartësit të saj, Ervis Berberi.
Aktualisht Balluku ndodhej në Rumani për një takim me ministrat e energjisë të BE-së, ndaj pritet t’i dërgohet një fletë-thirrje e dytë nga SPAK.
Ky zhvillim vjen në një moment kur ndaj Ballukut po shtohen presionet politike dhe publike, ndërsa SPAK konfirmon se hetimet do të vijojnë normalisht dhe pa ndërhyrje.
Çfarë tha Dumani për Dritan Prençin?
Se prokurori i çështjes ka mbështetjen e plotë të drejtuesit të SPAK dhe nuk ka raportuar për asnjë kërcënim.
Cila është akuza ndaj Belinda Ballukut?
Dyshohet për shkelje të barazisë në tendera pas bisedave të zbuluara në telefonin e ish-vartësit të saj Ervis Berberi.
Si reagoi Dumani ndaj akuzave për bllokim hetimesh?
Tha se kurrë nuk ka penguar hetime dhe se i ka krijuar prokurorëve kushte për punë të lirë dhe profesionale.
Çfarë pritet më tej në hetim?
Balluku do të thirret përsëri në SPAK, ndërsa prokurori Prençi do të vijojë hetimet mbi procedurat e tenderimit publik.