Boksieri i njohur britanik, ish-kampioni i botës në peshat e rënda, , është plagosur në një aksident të rëndë automobilistik në , ku fatkeqësisht humbën jetën dy persona të tjerë.
Sipas mediave lokale, aksidenti ka ndodhur në autostradën Lagos–Ibadan, në zonën e Makunit, ku automjeti në të cilin udhëtonte Joshua është përplasur me një kamion të parkuar. 36-vjeçari ndodhej brenda mjetit në momentin e përplasjes dhe ka pësuar lëndime, por ka arritur të nxirret gjallë nga makina.
Pamjet e publikuara në rrjetet sociale tregojnë momentin kur Joshua del i plagosur nga automjeti i shkatërruar, duke konfirmuar se ai ka qenë i vetëdijshëm pas aksidentit. Gjendja e tij shëndetësore nuk raportohet të jetë kritike, ndërsa është dërguar për ndihmë mjekësore.
Autoritetet nigeriane kanë nisur hetimet për të zbardhur rrethanat e plota të ngjarjes, ndërsa aksidenti ka shkaktuar reagime të shumta në botën e sportit dhe mes tifozëve të kampionit të boksit.
Ngjarja ka tronditur opinionin publik, pasi Anthony Joshua konsiderohet një nga figurat më të mëdha të boksit modern, me tituj botërorë dhe miliona ndjekës në mbarë botën. Gjithashtu, humbja e dy jetëve njerëzore në këtë aksident e ka bërë ngjarjen edhe më tragjike.