Sipas E!News, ndaj yllit të showbiz Jennifer Lopez u paraqit një kërkesë-padi lidhur me postimin e fotografisë së saj në Instagram. Sipas dokumenteve, fotoja është postuar më 22 qershor të vitit 2017. Në foto, shfaqet personazhi Harlee (Jennifer) në filmin “Shades of Blue”. E drejta e fotografisë i takon Steve Sands, i cili tashmë kërkon 150,000 dollarë për shkelje të së drejtës së autorit.
Sipas padisë, J.Lo dhe kompania e saj e produksionit nuk kanë marrë leje për ta postuar.
Nuk është hera e parë që Lopez paditet për postim të fotove të saja, pa lejen e fotografëve. Në tetor të 2019-s, dikush tjetër kërkoi 150,000 dollarë shpërblim.