Një aksident i rëndë ka ndodhur në rrugën Shkodër-Koplik.
Tre makina janë përplasur mbrëmjen e sotme në vendin e quajtur si Vija e Vrakës në fshatin Vrakë.
Nga përplasja kanë mbetur 6 persona të plagosur, ku 2 janë në gjendje të rëndë në spitalin e Shkodrës.
Siç duket edhe në foto, përplasja ka qenë e fuqishme.
Shkak dyshohet shpejtësia me të cilën lëvizin mjetet.
Policia është nisur drejt vendit të ngjarjes, ndërkohë që dy autoambulancë kanë shkuar në vendin ku ka ndodhur përplasja.
