Zlatan Ibrahimovic ka lindur në Malmo, prindërit e tij ishin shpërngulur nga Jugosllavia për në Suedi, babai i Zlatan ishte nga Bosnja ndërsa e ëma nga Kroacia, por që pas lindjes së Ibrës, në moshën dy vjeçare, ata u divorcuan.
Zlatan kaloi një fëmijëri të ndryshme pasi ishte emigrant, ai ishte i varfër dhe në shkollën që ka ndjekur të gjithë e kanë ngacmuar për shkak të hundës së gjatë.
Së fundmi Ibra postoi në rrjetet sociale një fotografi speciale pasi shfaqet me gjyshin e tij ndërsa shkruan: “Rrënjë Ballkani”. Karrierën profesionale e filloi te skuadra e Malmos, me të cilën debutoi në vitin 1999, e ngriti klubin suedez nga kategoria e dytë në atë të parën, pastaj u transferua të gjiganti holandez Ajax, me të cilët fitoi dy tituj.
Gjatë karrierës së tij, ai ka luajtur në shumë skuadra të ndryshme si, Juventus, Inter, Barcelona, Milan, Paris Saint-Germain, Manchester United dhe Los Angeles Galaxy.
39-vjeçari ketë vit është duke kaluar një sezon fantastik, i cili në 5 ndeshje të zhvilluara ka shënuar 8 gola, duke ndihmuar skuadrën e milanit të jetë në krye të Serie A.
