Mbrëmjen e sotme, një aksident tragjik ka ndodhur në rrugën e Fikasit në Mullet të Tiranës.
Sipas raportimeve, automjeti ka humbur kontrollin dhe është përplasur me bordurën anësore të rrugës.
Ka ndërruar jetë pasagjeri i cili udhëtonte në mjet kurse drejtuesi e ka braktisur dhe është larguar.
NJOFTIMI NGA POLICIA
Tiranë/Informacion paraprak
Në rrugën e Fikasit, Mullet, shtetasi L. R., ka humbur kontrollin e mjetit duke u përplasur me bordurën anësore të rrugës, dhe më pas është larguar, duke braktisur mjetin. Si pasojë e aksidentit ka humbur jetën gjatë dërgimit për spital pasagjeri në mjet shtetasi O. S.
Grupi hetimor dhe sherbimet e Policisë ndodhen në vendngjarje dhe po punojnë për kapjen e drejtuesit të mjetit dhe sqarimin e rrethanave të aksidentit.