Një ngjarje shqetësuese është regjistruar në Tiranë, ku një vajzë 15-vjeçare dyshohet se është abuzuar seksualisht nga një 20-vjeçar. Policia ka ndaluar të riun me inicialet S. A., i cili dyshohet për kryerjen e marrëdhënieve seksuale me dhunë ndaj të miturës.
Paralelisht, është proceduar penalisht edhe babai i vajzës, A. Gj., 42 vjeç, pasi dyshohet se ka ushtruar dhunë psikologjike ndaj saj pas ngjarjes.
Në njoftimin zyrtar të Policisë thuhet:
“Specialistët për Hetimin e Trafiqeve të Paligjshme ndaluan shtetasin S. A., 20 vjeç, pasi dyshohet se ka kryer marrëdhënie seksuale me dhunë me një të mitur 15-vjeçare. Gjithashtu, në vijim të veprimeve, është proceduar penalisht në gjendje të lirë shtetasi A. Gj., babai i të miturës, për dhunë psikologjike ndaj vajzës së tij.”
Ngjarja ka ngritur alarmin për institucionet që merren me mbrojtjen e të miturve dhe ka rikthyer në vëmendje nevojën për masa më të forta parandaluese dhe ndërgjegjësuese në shoqëri.
Hetimet për zbardhjen e plotë të rrethanave janë në vijim.