Një aksident rrugor është regjistruar mbrëmjen e së shtunës në aksin Elbasan–Peqin, ku janë përfshirë dy automjete. Deri në momentin e publikimit të këtij lajmi, nuk raportohet për të lënduar, ndërsa policia ka mbërritur menjëherë në vendngjarje për të kryer veprimet hetimore dhe për të zbardhur shkaqet e përplasjes.
Ende nuk ka një njoftim zyrtar mbi gjendjen shëndetësore të drejtuesve apo pasagjerëve, ndërsa grupi hetimor po punon për të përcaktuar përgjegjësitë dhe dinamikën e aksidentit.
Rrugët e Shqipërisë, sërish të rrezikshme
Ky është vetëm një nga aksidentet e shumta të ndodhura kohët e fundit në rrugët kombëtare, ku shpejtësia e lartë, mungesa e sinjalistikës dhe neglizhenca janë kthyer në faktorë kryesorë të rrezikut për jetën e qytetarëve. Autoritetet bëjnë thirrje për kujdes maksimal dhe respektim të rregullave të qarkullimit.