Turpi i Ballukut: 10 Mijë Euro Në Muaj Për Lavazh Të Audit, Ndërsa Populli S’Ka Ujë Për T’u Larë

0

Në Vendin Ku Plagët Shërohen Me Aspirina, Audi A8 Shpëlahet Me Solucion Luksoz

Në Shqipërinë ku pensionistët ndajnë ilaçet në gjysma dhe spitaleve u mungon oksigjeni, ministrja Belinda Balluku paska një problem urgjent: të lahet Audi. Jo vetë, por me solucion special, kompresor dhe një buxhet prej 10 mijë euro në muaj. Jo për një vit. Në muaj!

Tenderi u publikua më 28 mars dhe është më shumë një manual lavazhi luksoz sesa dokument zyrtar. Kërkesa të veçanta për shërbim spa me dy turne, ambient pritjeje për makinat si për VIP-at e Davosit dhe, natyrisht, larje pa furçë. Se mos i gërvishen emocionet ministres.

Audi A8 i Ballukut do lahet 12 herë në muaj, ose më saktë, çdo dy ditë pune. Dhe nuk është vetëm ai. Në listë janë edhe Toyota, Touareg, Hyundai, Land Rover e madje Skoda (edhe kjo me qejfe të larta mesa duket).

Çudia nuk ndalet këtu: tapiceritë do lahen 10 herë në vit. Mos ndoshta këto makina kanë histori më të ndyra se vetë politika shqiptare?

Ndërkohë, shqiptarët paguajnë energji si në Zvicër, ujë me orar si në Niger dhe marrin rroga si në vitin 1997. Po për Ballukun, taksat janë për larje, jo për shërbime.

Kështu, ndërsa “Lubia e tenderave” freskon Audi-n në spa çdo dy ditë, shqiptarët freskojnë shpresën që ndoshta një ditë spa-të e Ballukut të mbyllen, dhe të hapet një tjetër: ajo e drejtësisë.

Kjo nuk është larje, është shpëlarje. E fondeve. E moralit. E durimit tonë.

Artikulli i mëparshëmPërgjimet Bombë Të Erion Veliajt: “Do Ta Mbys Me Thonj Ulsi Manjën!”
Artikulli i radhësVIDEO/ Djegin Flamurin E Kosovës Para Kongresit Të UEFA-S – Beogradi Nën Trazim Nacionalist