Kombëtarja e Shqipërisë do të luajë kundër Armenisë një ndeshje miqësore. Lajmi konfirmohet nga Federata Shqiptare e Futbollit, e cila me anë të një njoftimi për mediat sqaron edhe detajet e kësaj sfide. Sipas marrëdheshjes së arritur mes dy federatave, përballja do të luhet në datën 7 tetor në Jerevan.
Kryeqyteti armen sjell kujtime të bukura për skuadrën dhe tifozët kuqezi, pasi fitorja 3-0 në tetorin e vitit 2015 i dhuroi për herë të parë kualifikimin për në finalet e një Kampionati Europian. Përfaqësuesja shqiptare do të kthehet në fushë në fillim të muajit shtator, kur janë në peogram edhe përballjet e para në edicionin e ri të Ligës së Kombeve.