Trevor Sinkler është vendosur në mbrojtje të Mejzon Grinud dhe Fil Foden pasi dyshja theu rregullat e karantinës në Islandë duke marrë vajza në hotelin e skuadrës.
Të dy lojtarët janë përjashtuar nga grumbullimi i kombëtares nga trajneri Garet Sauthgejt vetëm dy ditë pas debutimit të tyre në skuadrën e parë dhe do të rikthehen në shtëpi pavarësisht se kishin udhëtuar me ekipin në Danimarkë për përballjen e ditës së sotme.
Megjithatë, ndërkohë që ish-lojtari i Anglisë Sinkler pranon se duhet të mësohen të sillen më mirë, 47-vjeçari është shprehur në një postim në “Twitter” se djemtë mbeten djem, duke shtuar se nuk është e mirë të dëmtohen lojtarët e rinj në këtë mënyrë. Pavarësisht se duhet të edukohen.