Ish-deputetja e PD-së Albana Vokshi ka publikuar disa foto nga dita e parë e shkollës, ndërsa ka sulmuar kryeministrin Edi Rama për propagandë. Përmes një reagimi në ‘Facebook’, Vokshi thekson se situata në shkolla është shumë ndryshe nga ajo që reklamon kryeministri.
Ajo ka nxjerrë disa foto nga shkolla Gustav Mayer në Tiranë, ku shihet se jashtë ambienteve të këtij institucioni janë mbledhur në grumbullime.
MESAZHI I VOKSHIT
#Propaganda e Kryeministrit Rama vs #Realiteti nê shkolla këtë fillim viti. Përkundët fotove të përzgjedhura nga Kryeministri, situata në shumë shkolla është krejt ndryshe. Kjo është shkolla Gustav Mayer në Tiranë.
Mungesë organizimi nga ana e shkollës që ka cuar në grumbullime prindërish e nxënësish… asnjë mundësi për respektim të protokollit të sigurisë së shëndetit.