Ky është momenti kur “cunami” me verë të kuqe shpërthen nga rezervuari 50 mijë litrosh, në një kantinë në Spanjë.
Pamjet e shpërndara në rrjetet sociale shfaqin disa rezervuarë metalik në kantinën Bodegas Vitivinos në Villeamale të Spanjës.
Në fillim të videos shihet se si një sasi e madhe e verës së kuqe në formë të cunamit duke u derdhur nga rezervuari dhe përhapet nëpër tokë, por pa kaluar shumë minuta ajo mbulon edhe hapësirën ku ishin disa vetura të parkuara.
Punonjësit e kantinës nuk kishin çfarë të bënin tjetër vetëm se të shikonin se si mijëra litra verë derdhej. Mediat lokale raportojnë se shkaku i shpërthimit të rezervuarit, mund të jetë presioni i madh i ajrit.
Videoja është shpërndarë në rrjete sociale dhe prej asaj kohe është parë nga më shumë se 38 mijë persona, dhe është ripostuar nga më shumë se 9 mijë njerëz.