Ka zgjatur më pak se një minutë gjithë ngjarja e cila përfundoi me ekzekutimin e shqiptarit Luan Agolli në Paterson të shtetit të New Yersey, në Amerikë.
Dëshmitarët që ndodheshin në mes të rrugës ku ndodhi ngjarja, kanë filmuar gjithçka deri në momentin kur policia amerikane kryen ekzekutimin e 42 vjeçarit raporton abcnews.al.
Viktima e identifikuar si Luan Agolli, ishte një këshilltar financiar 42-vjeçar.
Ajo nga çfarë raportojnë mediat amerikane nuk dihet se cili ka qenë shkaku që Agolli është parë me armë në dorë duke ia drejtuar njëherë vetes dhe njëherë policisë.
Po ka të ngjarë se Agolli ka patur stres dhe ankth duke rënë në gjendje depresive të thellë për shkak të koronavirusit.
Vetëm javën e kaluar, Agolli ndau një artikull në LinkedIn se si të merret me ankthin nga koronavirusi.
Ngjarja ndodhi ditën e enjte pasi policia mori një telefonatë nga qytetarët se një burrë me armë po qarkullonte në qytet.
Mirëpo ngjarja është regjistruar nga Prokurorët dhe është hapur një hetim i thelluar nga autoritetet për të parë nëse veprimet e policisë që ekzekutuan 42 vjeçarin kanë qenë në përputhje të plotë me zbatimin e ligjit amerikan.