Për disa njerëz, pagjumësia është mjaft e zakonshme .
Stresi, aktivitetet e përditshme dhe ritmi i përshpejtuar i jetës, mund ta bëjnë të vështirë për të fjetur gjatë natës, dhe qëndrimi zgjuar për një kohë të gjatë mund të jetë i dëmshëm për shëndetin tuaj.
Por, ky studim mund t’ju bëjë të rishikoni rëndësinë e një regjimi të shëndetshëm të gjumit.
Gjumi na ndihmon në çlirimin e toksinave.
Gjumi rigjeneron sistemin tonë imunitar, sistemin tonë të frymëmarrjes dhe nivelet tona të energjisë, duke lejuar trurin tonë të përpunojë informacionin që ka marrë gjatë ditës, përveç rregullimit të presionit të gjakut dhe rrahjeve të zemrës.
Por gjithashtu eliminon toksinat nga aktiviteti neurologjik që përjetojmë gjatë ditës.
Kur nuk kemi orë të mjaftueshme pushimi, trupi ynë i shndërron këto toksina në një lloj rezerve karburanti.
Djegia e karburantit të trurit
Në terma afatshkurtër, eliminimi i këtyre toksinave mund të jetë i dobishëm për shëndetin e trurit tonë, pasi e gjithë ajo energji do të përdoret për atë proces.
Një studim tek minjtë
Një ekip i neuroshkencëtarëve, i udhëhequr nga Michele Bellesi i Universitetit Politeknik të Marche në Itali, zhvilloi një studim duke përdorur minj që i ndanë në grupe të ndryshme:
Të parët mund të flinin aq sa dëshironin gjatë ditës, të dytët do të ishin të detyruar të rrinin zgjuar dhe të flinin më pak se 8 orë në ditë, dhe të tretët duhet të ishin vigjilent për 5 ditë me radhë, në mënyrë që shkencëtarët të vëzhgonin ndryshimet në trurin e tyre.
Pastrimi i qelizave
Astrocitet janë përgjegjës për vetë-pastrimin e trurit dhe janë gjithashtu të pranishëm në minj.
Kjo ishte mënyra se si, duke vëzhguar aktivitetin e këtyre qelizave, ata ishin në gjendje të merrnin një rezultat.
Në fund të eksperimentit, truri i minjve që kishin fjetur mjaftueshëm kishte një nivel të aktivitetit astrocitar prej 6%, grupi i dytë kishte një aktivitet astrociti prej 8% dhe i treti, pas 5 ditësh, kishte një aktivitet astrocitar niveli prej 13.5%.
Kjo do të thotë që qelizat tona do të bëjnë një “pastrim” më të plotë sa më pak të flemë.
Truri ‘mund të hajë’ veten.
Tek minjtë, ky proces praktikisht konsiston në konsumimin e sinapseve në trurin e tyre dhe ka mundësi që i njëjti efekt mund të ndodhë te njerëzit.
Mos fjetja disa netë me radhë mund të shkaktojë mosfunksionimin e këtij funksioni, duke na bërë të prirur ndaj sëmundjeve, si Alzheimer ose duke kontribuar në çmenduri në planin afatgjatë.
Këshilla për një gjumë më të mirë
Ekzistojnë metoda të ndryshme që mund t’ju ndihmojnë të flini nëse ndonjëherë përjetoni pagjumësi, por nëse problemi juaj është i vazhdueshëm, ju rekomandojmë që të takoni një specialist.
Praktikoni meditimin
Rregulloni ambientin e dhomës tuaj të gjumit për ta bërë atë më të rehatshme
Bëni aktivitet fizik
Kufizoni përdorimin e pajisjeve elektronike
Shkoni në shtrat në të njëjtën kohë çdo ditë
Ulni marrjen e kafeinës
Ekspozojuni rrezeve të diellit për një kohë të moderuar
Burimi: Bright Side