Qeveria italiane ka miratuar një dekret që ashpërson masat në fund të vitit. Kryeministri Giuseppe Conte tha se ishin të detyruar të mbylleshin sërish pasi shifrat e larta të infektimeve dhe vdekjeve do të përkeqësoheshin më tej për shkak të festave.
Kështu nga 24 dhjetori deri në 6 janar e gjithë Italia do të jetë “zonë e kuqe”. Gjithsesi do të lejohen udhëtimet te të afërm apo familjarë nëse respektohen disa rregulla të përcaktuara. Dyqanet, baret dhe restorantet do të jenë të mbyllur, përveç atyre që janë përcaktuar nga dekreti.