Kryetari i Partisë Demokratike, Lulzim Basha ka sulmuar kryeministrin Edi Rama, ndërsa akuzon këtë të fundit se për 8 vite me radhë shkatërroi ekonominë shqiptare.
Teksa ka publikuar një video në ‘Facebook’ ku përmenden premtimet e Ramës, lideri demokrat theksoi se shpenzimet për të jetuar dhe papunësia rriten çdo ditë. Mes të tjerash ai iu premtoi qytetarëve që PD do të sjellë shpresën për Shqipërinë dhe shqiptarët.
“Për 8 vjet Rama dështoi në çdo sektor dhe e shkatërroi ekonominë. Shpenzimet për të jetuar dhe papunësia rriten çdo ditë. Ne do të sjellim shpresë për Shqipërinë dhe shqiptarët!”, shkruan Basha.