Kryeministri Edi Rama ka reaguar lidhur me vizitën e tij në Greqi ku është takuar me homologun Mitsotakis, dhe ministrin e Jashtëm grek Nikos Dendias. Sipas Ramës në Greqi ka pasur një mikpritje në shtëpinë e kryeministrit Mitsotakis, ku kanë bërë një bilanc të situatës me Covidin, marrëdhënies mes dy vendeve dhe problematikave rajonale.
“Falenderues për shijen e shkëlqyer të mikpritjes në shtëpinë e kryeministrit Mitsotakis, ku bëmë një bilanc të situatës me Covidin, marrëdhënies mes dy vendeve tona dhe problematikave rajonale! Vullnet i plotë për ta zhvilluar bashkarisht më tej këtë marrëdhënie strategjike🇦🇱🤝🇬🇷” shkruan Rama. Rama mbërriti të premten në Athinë pas një vizite dy ditore në Ankara ku u prit nga Presidentit turk.