Arabia Saudite i rrit çmimet e naftës SHBA-së dhe Evropës. Bursa për datën 4 Shkurt 2021

Eksportuesi më i madh në botë i naftës, Arabia Saudite, rriti të Enjten çmimet e naftës së saj të papërpunuar që do të eksportohet në Shtetet e Bashkuara dhe Evropë në muajin Mars ndërsa la të pandryshuara çmimet zyrtare të shitjes së naftës së papërpunuar në tregun e saj kryesor në Azi.

Gjigandi shtetëror saudit i naftës Aramco rriti çmimet e të gjitha llojeve të produktit të papërpunuara për eksport në SHBA me 0,10 dollarë për fuçi, ndërsa çmimet e naftës saudite në Evropë u ngritën me midis 1,30 dollarë dhe 1,40 dollarë për fuçi, sipas Bloomberg.

Çmimi i Arab Light ë papërpunuar  për Evropën Veriperëndimore u rrit me 1.40 dollarë për fuçi për marsin krahasuar me shkurtin.

Muajin e kaluar, një ditë pasiArabët  befasuan tregun me një ulje shtesë të prodhimit prej 1 milion bpd për shkurtin dhe marsin, sauditët ngritën çmimet zyrtare të shitjes (OSP) të naftës së tyre për Azinë për muajin shkurt. Saudi Aramco rriti çmimin e Arab Light me 0,70 dollarë për fuçi në një premium prej 1 dollarë për fuçi përkundrejt standardit të Lindjes së Mesme, Oman / Dubai average.

Këtë muaj, megjithatë, Sauditët po i lënë çmimet Azisë të pandryshuara për Marsin krahasuar me Shkurtin, pasi ulja shtesë e prodhimit krijoi një fluks kaos mes rafinerive në Azi në Janar, me blerësit që përpiqeshin të siguronin furnizimet e naftës bruto nga Evropa.

Arabia Saudite gjithashtu ka njoftuar reduktime në vëllimet e naftës bruto që do të furnizohen të paktën nëntë klientë në Azi dhe Evropë për këtë muaj. Shkurtimet janë bërë për dërgesat nën kontrata afatgjata dhe kanë të bëjnë me produktet më të rënda të Aramco, sipas Bloomberg.

Shkurtimi ekstra i prodhimit Saudit duket se po funksionon, të paktën për tani, në favor të prodhuesve të OPEC + të cilët janë të dëshpëruar të shohin çmime më të larta të naftës për të rregulluar buxhetet e tyre të goditura nga rrënia e çmimeve të naftës dhe rënia ekonomike për shkak të pandemisë.

Bursa për datën 4 Shkurt 2021 u mbyll si më poshtë:

Vlerat janë të shprehura në $/mt

Brent është shprehur në $/bbl

©aktualitet.al