Fundi i historisë. Marrëdhënia midis lojtarit të Romës, Amadou Diawara dhe aktores Mariana Falace tani ka marrë fund. Kjo u komunikua, pas 13 muajsh, nga ish partnerja e mesfushorit nga Guinea, e cili u mbështet në dy histori në profilin e saj në Instagram për të treguar arsyet që e çuan atë të merrte këtë vendim: “Gjithmonë jam ekspozuar në rrjetet sociale, pse të mos e bëj edhe kur një marrëdhënie mbaron. Kisha pranë një burrë madhështor për 13 muaj, i cili më donte në çdo mënyrë që një grua mund të dashurohet. Ai më mbrojti, ne luftuam së bashku dhe kapërcyem gjëra që as një çift me një të kaluar 10 vjeçare nuk mund ti përballonte. Isha e vërtetë, e sinqertë nga fillimi në fund, por zgjedhja e duhur nuk është zgjedhja më e lehtë. Fatkeqësisht, unë kam lindur e pavarur – si një vlerë absolute e qenies time – dhe kam nevojë për një marrëdhënie që më ushqen shpirtin çdo ditë. Puna që bëj ka nevojë për mbështetje, gjëra që gjithmonë i kam marrë, por që nuk e di nëse tani do të vazhdojnë. Nuk ishte një vendim i lehtë për mua, fatkeqësisht zgjedh veten dhe gjithmonë do ta bëj”.
Sidoqoftë, marrëdhënia me Diawara do të mbetet në raporte miqësore: “Unë i uroj të gjitha të mirat, gjithmonë do të bëj tifo për të sepse ai është një lojtar i shkëlqyer, një person i mirë, i disponueshëm, bujar dhe vetëmohues. Unë gjithmonë do ta mbaj kujtimin për ne, sepse nuk jetoj kurrë në inat. Marrëdhëniet njerëzore në përgjithësi bazohen në “kam nevojë për ty”. Unë jam ndryshe. Nuk më mungon asgjë në jetë, si nga ana profesionale ashtu edhe si grua. Për mua nevoja do të lindë kur të ndjehem e plotë, askush nuk është gjysma e askujt. Ju duhet të ndiheni të plotë me veten tuaj dhe më pas të gjeni personin që mund të ecë pranë jush e që gjithmonë ju bën të ndiheni mirë si grua, që ju përmirëson dhe që di si t’ju japë gjithë vëmendjen që meritoni. Unë gjithmonë kam qenë sentimentale, kam pasur mundësinë të kem pranë vetes burra të fuqishëm (dhe jo të mburrem) por ata që më njohin e dinë se çfarë lloj gruaje jam. Kam lindur e lirë, ndjek instinktin dhe besoj në dashuri. Kjo është ajo që më karakterizon, nuk do të jem kurrë shfrytëzuese sepse jam mësuar të menaxhoj vetveten, të krijoj për vete gjithçka po përjetoj. Dhe ky hap, ky vendim, e dëshmon. Unë jam një artiste, në punën time kam nevojë për qetësi dhe ekuilibrin e duhur. Sa për mua, do të largohem nga media sociale për një kohë të shkurtër (e keqja e botës) për t’iu përkushtuar plotësisht karakterit të ri që po studioj. Do të kthehem për t’ju treguar projektin tim të ri, të mrekullueshëm dhe të mahnitshëm filmik në të cilin mora pjesë (ende i pabesueshëm që kalova atë audicion). Kështu, edhe kjo më dha forcën për të bërë zgjedhjen e duhur për mua! Mezi po pres ta ndaj me ju. Puthje Mariana”.
