Qytetarët e Turqisë kanë ndezur ‘alarmin e kuq’ dhe kanë kërkuar ndihmë pas situatës kaotike që po jetojnë prej ditësh mes flakëve.
Në një postim të yllit ndërkombëtar me origjinë shqiptare, Dua Lipa, shumë ndjekës nga Turqia, ndryshe nga të tjerët që komplimentonin pamjet e bukura që kishte publikuar ylli i muzikës, kanë kërkuar ndihmë.
“Ndihmoni Turqinë,”- shkruan njëri.
“Na ndihmoni jemi në një situatë alarmante, na ndihmoni,”- shkruan dikush më tej.
“SOS, SOS, SOS,”- janë të tjera komente që vijojnë në postimin e Duas.
Turqia prej ditësh është nën sundimin e plotë të zjarreve. Në të 35-ta provincat e Turqisë janë gjithsej 129 vatra zjarri, ndërkohë që deri më tani kanë humbur jetën 8 persona dhe janë plagosur 271 të tjerë.
