Një aksident i rëndë me pasojë humbjen e jetës së një çifti bashkëshortësh ndodhi sot në mëngjes rreth orës 05:30 në aksin rrugor Tepelenë-Fier.
Policia lokale njoftoi se ngjarja ka ndodhur kur automjeti tip autobot, i drejtuar nga shtetasi S.A., ka përplasur një automjet tip “Ford”, me drejtues shtetasin V.A. Nga përplasja, drejtuesi i automjetit “Ford” dhe pasagjerja e tij, bashkëshortja e tij M.A., humbën jetën në vendngjarje.
Sipas raportimeve, drejtuesi i autobotit S.A. dhe pasagjerja që ndodhej në këtë mjet, A.A., ndodhen në spital jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.