Trajneri i Kombëtares shqiptare, Sylvinho, pritet të surprizojë me një formacion sulmues në ndeshjen vendimtare ndaj Serbisë, që do të luhet në Leskovac. Gjatë stërvitjes së fundit në stadiumin “Duboçiça”, tekniku brazilian ka provuar një skemë 4-4-2 klasike, duke vendosur Armando Brojën dhe Rei Manajn si dyshen e sulmit.
Formacioni i Mundshëm
Broja do të pozicionohet më afër portës, me mundësi të lëvizë në krah, ndërsa Manaj do të jetë pika qendrore e sulmit. Në mesfushë, Sylvinho pritet të ruajë Asllanin, Shehun dhe Laçin, me Bajramin që ka avantazh ndaj Hoxhës për pozicionin e majtë.
Në mbrojtje, Strakosha është i sigurt mes shtyllave, ndërsa linja e prapme përbëhet nga Hysaj në të djathtë, Ajeti dhe Gjimshiti në qendër (për shkak të mungesave të Ismajlit dhe Kumbullës) dhe Mitaj në të majtë.
Strategjia E Sylvinhos
Vendimi për të përdorur dy sulmues mund të jetë një sinjal se Shqipëria synon fitore që nga minuta e parë. Megjithatë, burime nga stërvitja raportojnë se trajneri mund ta mbajë këtë modul si alternativë taktike në varësi të rezultatit. Daku mbetet një opsion serioz për t’u futur gjatë lojës, në varësi të ritmit të ndeshjes.
Sfida ndaj Serbisë pritet të jetë vendimtare për Botërorin 2026, dhe Sylvinho po kërkon ekuilibrin mes mbrojtjes solide dhe efikasitetit në sulm.