Kapiteneria e Portit të Vlorës ka njoftuar sot, më 17 prill, pezullimin e lundrimit për të gjitha mjetet e vogla lundruese dhe anijet e peshkimit, për shkak të përkeqësimit të kushteve atmosferike në gjirin e Vlorës dhe jashtë tij.
Sipas njoftimit zyrtar, ndalimi ka hyrë në fuqi nga ora 08:00 e mëngjesit, për shkak të forcës së erës nga drejtimi jug-juglindje me shpejtësi deri në 15–20 m/s dhe dallgë me lartësi deri në 2 metra.
Megjithatë, tragetet e linjës Vlorë – Brindisi – Vlorë do të vijojnë operimin normalisht, sipas orareve dhe destinacioneve përkatëse.
Përmirësimi i motit parashikohet të ndodhë në orët e mbrëmjes.
Pse është ndaluar lundrimi në Vlorë?
Për shkak të motit të keq, me erëra të forta dhe dallgë të larta që rrezikojnë sigurinë në det.
Cilat mjete janë ndaluar?
Mjetet e vogla lundruese dhe anijet e peshkimit.
Po tragetet?
Tragetet ndërkombëtare në linjën Vlorë – Brindisi – Vlorë vijojnë të operojnë normalisht.
Kur do të përmirësohet moti?
Sipas parashikimeve, në orët e mbrëmjes të 17 prillit.