Ne nje mbledhje mbi dy ore ne te ashtuquajturen “Vila e Kuqe” ne Tirane, drejtuesit politike te PS dhe ministrat raportuan para Edi Rames mbi nisjen e nismes “Prania Besnike”. Ne qender te takimit ishte menyra si qytetaret duhet te paraqesin ankesat e tyre, ndersa nga kampi socialist u hodh edhe ideja qe teknologjia, perfshire AI, te perfshihet ne trajtimin e tyre.
Mbledhje javore per raportim politik
Sipas versionit te bere publik nga kryeministri, takimi shenon nisjen e nje formati javor mes drejtuesve politike dhe ministrave per raportime dhe ndarje detyrash ne kuader te “Pranise Besnike”. Rama publikoi nje videokronike nga mbledhja, duke e paraqitur procesin si nje kanal me te afert komunikimi me qytetaret.
Formati i zgjedhur e vendos theksin te raportimi i strukturave partiake dhe qeveritare per problemet qe qytetaret paraqesin ne terren, nje qasje qe ngre pikepyetje edhe mbi kufirin mes partise ne pushtet dhe funksioneve institucionale ne administrimin e ankesave publike.
Rama kerkon qe qytetaret te flasin “te qete”
Ne mbledhje, Rama insistoi qe qytetaret te mos ndihen nen presion kur paraqesin hallin e tyre dhe te mos e perceptojne takimin si ekspozim publik. Ai tha se njerezit nuk vijne aty per t’u shfaqur ne televizor apo ne Instagram dhe as domosdoshmerisht per t’u identifikuar.
Mesazhi politik i kryeministrit ishte qe forma e takimeve te krijoje rehati per denoncimin e problematikave, por mbetet per t’u pare sa efektive mund te jete kjo skeme ne zgjidhjen reale te ceshtjeve qe qytetaret i kane prej kohesh me administraten dhe sherbimet publike.
Nga “do shkoje te tavolina e Edi Rames” te filtrimi me AI
Ne diskutimet e bera publike, Ulsi Manja ndau nje episod nga Dibra, ku nje qytetar i ka shprehur bindjen se halli i tij do te perfundoje ne tavolinen e kryeministrit. Ky lloj perceptimi, i ushqyer politikisht prej vitesh, e personalizon zinxhirin e zgjidhjes se problemeve te qytetareve te nje figure e vetme ne krye te qeverise.
Blendi Klosi, nga ana tjeter, foli per perdorimin e teknologjise ne kete proces. Sipas tij, sistemi synon qe sapo te hidhet kerkesa, ajo te kalojne per trajtim, ndersa AI mund te gjeneroje automatikisht e-mail me referenca ligjore. Pretendimi u paraqit si lehtesim procedural, edhe pse nuk u bene publike detaje mbi funksionimin, filtrat, transparencen apo pergjegjesine administrative te ketij mekanizmi.
Ankesat: legalizime, ndertime te vjetra, OSHEE dhe rruge
Nga raportimet ne terren, Enea Karakaci tha se ne Shkoder pjesa kryesore e ankesave lidhet me legalizimet, si edhe me ndertimet e para vitit 1991. Kjo tregon se ceshtje te mbartura prej vitesh vijojne te mbeten te pazgjidhura dhe rikthehen here pas here ne fokus politik.
Per Lezhen, Ermal Nufi evidentoi si problemet kryesore ankesat ndaj OSHEE-se dhe infrastruktures rrugore, sidomos rruget dhe urat. Lista e ceshtjeve te ngritura tregon se, pertej emertimeve te reja organizative, shqetesimet baze te qytetareve mbeten ato qe lidhen me sherbimet elementare dhe investimet publike.
Takimi ne “Vila e Kuqe” u paraqit si nje ushtrim degjimi dhe menaxhimi me te strukturuar i halleve te qytetareve, por thelbi i debatit mbetet te rezultati: nese keto ankesa do te prodhojne zgjidhje konkrete apo do te mbeten pjese e nje mekanizmi politik raportimi dhe imazhi.