Një sasi masive e të dhënave në lidhje me pandeminë gjenerohet çdo ditë. Edhe pse organizata të tilla si OBSH, CDC, Universiteti Johns Hopkins dhe Worldometers po përhapin çdo ditë statistika të rëndësishme, të dhënat nuk janë analizuar në një mënyrë efikase për të ofruar njohuri.
Pandemia e COVID-19 është një sistem kompleks që përfshin biologjinë, sjelljen njerëzore, kompanitë dhe qeveritë, dhe ndikohet nga kujdesi shëndetësor, ekonomia, qeverisja dhe gjeopolitika.
Studimi ka marrë në analizë 200 vende duke përfshirë edhe Shqipërinë. Sipas studimit Izraeli renditet i pari si vendi më i sigurt në reagimin dhe përballimin e pandemisë Covid-19. Rezultatet janë paraqitur në formën e renditjes së vendeve me burim të hapur, për të ndihmuar njerëzit dhe qeveritë të marrin vendime që maksimizojnë rezultatet e dobishme për njerëzit.
Analiza zbuloi se disa vende rezultuan shumë të efektshme në luftimin e COVID-19. Këto vende u përqëndruan në parandalimin e hershëm, duke vendosur masa karantine përpara se numri i rasteve të konfirmuara të tejkalonte 50,000, dhe duke përdorur metoda efikase për trajtimin e pacientëve të shtruar në spital.
Çdo vend u rendit me një rezultat numerik të ndërtuar duke përdorur një metodologji të përcaktuar mirë.
Shqipëria u fut në grupin 3 të studimit, dhe ndryshe nga çfarë pretendon qeveria Rama, ajo bën pjesë në vendet që reaguan në mënyrë të pafavorshme ndaj pandemisë, si menaxhimi i riskut, karantinimi, zbulimi i rasteve të reja dhe shërbimi shëndetësor./Burimi:Forbes|Përktheu dhe Përshtati: JOQ Albania/
