Ekspertët e shëndetet kanë bërë tashmë të ditur se COVID-19 dëmton organet e brendshme.
Arsim Gërxhaliu, drejtori i Mjekësisë Ligjore, tregon në detaje për ndryshimet që ndodhin në trupin e një të vdekuri nga Covid-19.
“Mushkëritë janë të ekspanduar të fryrë, kanë ngjyrë më të errët, blu të errët, janë më të gjakosura me një gjak pak më të trashur se zakonisht, si dhe kanalet e ajrosjes janë me mukoz më të trashur”, ka thënë Gërxhaliu për Insajderin.
Përveç mushkërive, ndryshime pësojnë edhe organet e tjera, e kjo vjen si pasojë e terapisë së Covid-19.
“Ka pasur edhe raste kur kemi parë edhe organe tjera të ekspanduar, mund të ndodh edhe përshkak të terapisë është një reaksion normal për shembull edhe i mëlçisë në këtë raste, normal kur përdoret terapi e cila nuk ka qenë pjesë përbërse e jetës normale. Por në përgjisthësi përqëndrimi më i madh ka qenë në mushkëri ku edhe vrojtohen dhe pothuajse të përcjellura me plumoni të mushkërisë”, ka treguar Gërxhaliu
Gjithashtu ai ka treguar se deri më tani 50 për qind e obdusioneve të kryera tek kufomat e prekur me Covid-19 kanë rezultuar pozitive.
“Fillimisht është marrë vendimi që viktimat e Covid-19 të mos ibdukohen për shkak të numrit të madh, por në rast se kemi të bëjmë me vepër penale ne jemi detyruar që t’i bëjë obduksionin. Diku një sasi prej 50 për qind të rasteve të gjithmbarshme na kanë dalë që të njëjtit kanë qenë pozitivë me Covid-19”, ka thënë Gërxhaliu.
Ai ka treguar se një autopsi mund të kryhet në raste se dyshohet për neglizhencë mjeksësore, dhe se së fundi kanë pasur dy raste.
“Në raste kur dyshohet në neglizhencë mjekësore po kemi pasur, jo më larg se para tre katër ditëve kemi pasur një rast të tillë, po është kryer autopsia dhe jemi në përfundim të raportit sepse përparimi i organeve dhe mostrave biologjike të lëngëta kërkon kohë”, ka thënë Gërxhaliu.
Drejtori i Institutit ka treguar se shumë persona të cilët kanë humbur jetën në rrethana tjera kanë rezultuar pozitivë në raportin e autopsisë, kjo për pasi kanë qenë a-simptomatik.
“Ne punojmë me urdhëresa të prokurorit, por duke marrë parasysh që ne çdo rasti ja u kemi marrë mostrat kanë dal edhe raste të tjera për të cilat nuk e kanë ditë që kur kanë pasur Covid-19. Për shembull rastet e vdekjeve të aksidente, vetëvrasjet, vrasjet që kanë dalë pozitiv që do të thotë se kanë qenë raste a-simptomatike, nuk e kanë ditë që e kanë pas, kjo e ka peshën e vet për lajmërimin e familjarëve që të jenë më të vëmendshëm për faktin që e kanë pasur familjarin të prekur me Covid-19”, ka shtuar me tej ai.
Gërxhaliu ka shtuar se për shkak të masave të Covid-19 dhe numrit të vogël të stafit përfundimi i analizave toksikologjike dhe histopatologjike po merr më shumë kohë. Deri më tani në Kosovë nga Covid-19 kanë humbur jetën 1 mijë e 137 qytetarë.