Bota mesa duket po merr frymë nga koronavirusi pas daljes së vaksinës.
Por lajme të mira vijnë dhe për personat që e kalojnë koronavirusin shumë rëndë
Studiuesit thonë se kanë zbuluar një terapi që është një infuzion i fuqishëm intravenoz i antitrupave për të neutralizuar virusin, në vend që të zbusë përgjigjen inflamatore të trupit ndaj tij.
Sipas BBC, rezultatet nga provat e rikuperimit tregojnë se kjo terapi mund të ndihmojë një në tre prej atyre që janë shtruar në spital në gjendje të rëndë.
Për çdo 100 pacientë të trajtuar kjo terapi do të shpëtonte gjashtë jetë. Por vetëm atyre që nuk kanë krijuar antitrupa për të luftuar virusin duhet t’u jepet trajtimi, i cili kushton midis 1,000 dhe 2,000 dollarë.
Trajtimi i antitrupave monoklonalë, i bërë nga Regenoron lidhet me virusin për të ndaluar që të infektojë qelizat dhe të replikohet. Në testimet që u bënë në Mbretërinë e Bashkuar ai uli:
-riskun për të humbur jetën;
-kohëzgjatjen e qëndrimit në spital, mesatarisht për katër ditë
-gjasat që të keni nevojë për një ventilator për të marrë frymë.
Gjatë trajtimit pacientëve përveç ilaçit antiinflamator iu dha edhe steroid dexamethasone, i cili ul rrezikun e vdekjes deri në një të tretën për pacientët më të sëmurë me Covid-19.
Përdorimi i plazmës së gjakut nga pacientët e rikuperuar që përmban antitrupa që duhet të njohin dhe luftojnë virusin nuk ka rezultuar efektive ashtu si një terapi Covid-19. Por trajtimi i antitrupave i përdorur në këtë testim përmban doza të mëdha të dy antitrupave specifike, të bëra në laborator, që janë mirë në kapjen e virusit.