Me rastin e nisjes së Pelegrinazhit për mijëra besimtarë bektashianë, Kryeministri Edi Rama ka publikuar pamjet e rrugës së re për në malin e Tomorrit për të përshëndetur mëngjesin e sotëm dhe për të uruar një fundjavë të mbarë.
“MIRËMËNGJES
dhe me rrugën e re të pelegrinazhit për në Majën e Shenjtë të Tomorrit, ju uroj një fundjavë të mbarë ”, shkruan kryeministri Rama.
Sot nis edhe pelegrinazhi në malin e Tomorit që vazhdon për 5 ditë me radhë.
Festa e Shenjtë e Bektashinjve organizohet nga 20-25 Gusht dhe mbledh çdo vit në Teqenë e Kulmakut mijëra pelegrinë nga e gjithë Shqipëria, diaspora e bota.
Mali i Tomorit konsiderohet “i shenjtë”, pasi në të prehet shenjtori i familjes së Profetit Muhamed, Abaz Aliu.
Besimtarët ngrenë çadrat e tyre në këtë vend të shenjtë duke kryer jo vetëm kurbanin e festës, por duke ngjitur me këmbë edhe majën e Malit të Tomorrit, i cili ndodhet 2416 metra mbi nivelin e detit.