Shqipëria do të përballet sërish me Serbinë në kualifikueset e Kupës së Botës 2026, duke sjellë në skenë një tjetër derbi ballkanik të ndezur. Grup K, ku bëjnë pjesë Anglia, Serbia, Shqipëria, Letonia dhe Andorra, pritet të jetë skenë përballjesh të forta dhe emocione të mëdha.
Ky grup shënon gjithashtu debutimin e Thomas Tuchel si trajner i Anglisë, pas zëvendësimit të Gareth Southgate. Skuadra e “Tre Luanëve”, si një nga kryesueset e shortit, synon të sigurojë vendin e parë për të marrë direkt një biletë për finalet në Kanada, Meksikë dhe SHBA, që zhvillohen pas 18 muajsh.
Përplasjet Shqipëri-Serbi pritet të jenë në qendër të vëmendjes, duke ndezur diskutime dhe emocione të reja në arenën futbollistike ballkanike.