Policia e Peqinit, në bashkëpunim me Prokurorinë e Elbasanit, ka finalizuar me sukses operacionin policor “Revealed”, pas një hetimi disa mujor me metoda proaktive.
Dy shtetas janë arrestuar si autorë të dyshuar të të paktën 8 vjedhjeve të ndodhura gjatë dy viteve të fundit në banesa të pabanuara në Peqin. Në pranga ranë:
- A. C., 38 vjeç, banues në fshatin Mjekës, Elbasan, i dënuar më parë për vjedhje
- I. S., 48 vjeç, banues në Durrës
Të dyshuarit kanë grabitur banesa të shqiptarëve që jetojnë jashtë shtetit, duke përfituar nga mungesa e tyre.
Nën hetim janë vënë edhe:
- A. Q., 49 vjeç, që ndihmoi në transportimin e sendeve të vjedhura me automjetin e tij
- K. B., 65 vjeçe, që kishte dijeni për krimin dhe ua kishte dhënë me qira ambientin ku grumbulloheshin mallrat e vjedhura
Në kërkim është shpallur shtetasi B. H., 33 vjeç, banues në Durrës, që dyshohet se ka përdorur makinën e tij për të ndihmuar në vjedhjet.
Gjatë operacionit u sekuestruan:
- 4 televizorë
- 5 kondicionerë
- 6 biçikleta
- Pajisje elektronike e elektrike
- Orendi shtëpiake
- Bizhuteri
- Municion luftarak
- 1 automjet i përdorur për vjedhjet
Materialet procedurale iu kaluan Prokurorisë së Elbasanit, ndërsa hetimet vijojnë për zbardhjen e plotë të aktivitetit kriminal.