Një ngjarje e rëndë është shënuar në Tiranë mbrëmjen e 3 shtatorit, ku një 40-vjeçare ka humbur jetën pas një aksidenti fatal.
Sipas njoftimit të policisë, rreth orës 23:30, në rrugën “Feti Gjilani”, gruaja me inicialet A.S. ka rënë aksidentalisht nga ballkoni i banesës së saj. Pavarësisht ndërhyrjes së shpejtë të shërbimeve mjekësore, ajo nuk ka mundur t’i mbijetojë plagëve të marra.
Autoritetet kanë nisur menjëherë procedurat hetimore për të sqaruar plotësisht rrethanat e ngjarjes. Materialet janë referuar pranë Prokurorisë, e cila do të vijojë me veprimet e mëtejshme ligjore.
Ky aksident ka tronditur komunitetin e zonës, ndërsa pritet që hetimet të zbardhin detajet mbi shkaqet që çuan në këtë ngjarje tragjike.