Ministri i Jashtëm i Turqisë, , deklaroi të enjten se Ankaraja është kundër “çdo ndërhyrjeje ushtarake” ndaj , duke theksuar se Teherani duhet t’i zgjidhë vetë problemet e tij të brendshme përmes dialogut dhe diplomacisë.
Komentet e Fidanit u bënë gjatë një takimi me gazetarët në Stamboll, ku ai nënvizoi se situata në Iran ka një dimension të gjerë të marrëdhënieve ndërkombëtare. Sipas tij, Irani është aktualisht “subjekt i sanksioneve” për shkak të disa politikave të ndjekura, çka ka sjellë pasoja të rënda ekonomike dhe sociale.
Fidan tha se u ka bërë thirrje homologëve iranianë të përmirësojnë marrëdhëniet me vendet e rajonit dhe të mos humbasin asnjë mundësi për të zgjidhur çështjet e tyre përmes diplomacisë, veçanërisht në lidhje me dosjen bërthamore. “Irani duhet t’i zgjidhë çështjet e tij në fushën bërthamore globale përmes diplomacisë, në mënyrë që problemet strukturore që krijojnë vështirësi ekonomike të eliminohen,” theksoi ai.
Ministri turk nënvizoi se izolimi ndërkombëtar e kufizon ndjeshëm aftësinë e një vendi për të ofruar shërbime ekonomike për qytetarët e tij. Sipas tij, Irani ka një popullsi të madhe dhe një shoqëri dinamike, me njerëz të arsimuar dhe me një dëshirë të fortë për pjesëmarrje aktive në jetën shoqërore.
“Kur një shoqëri e tillë privohet nga mundësi të caktuara, lindin këto lloj problemesh,” u shpreh Fidan, duke shtuar se shpesh vështirësitë ekonomike dhe sociale interpretohen gabimisht si kryengritje ideologjike kundër regjimit. “Në realitet, kjo përbën një zonë gri,” tha ai, duke theksuar se problemet ekonomike janë shkaku kryesor i pakënaqësive.
Ai shtoi se, kur situata analizohet me kujdes, nuk ka rrethana që do të nxisnin oreksin e disa vendeve armiqësore për të ndërhyrë ushtarakisht kundër Iranit. Megjithatë, politikat ekzistuese dhe pamundësia për të lehtësuar pasojat ekonomike po krijojnë probleme serioze për shoqërinë iraniane.
Në fund, Fidan u ndal edhe te politikat e , duke deklaruar se Turqia nuk dëshiron të shohë asnjë ndërhyrje ushtarake në Iran. “Kur shikojmë politikat e Trump, deri më tani nuk kemi parë një preferencë të fortë për përdorimin e forcave tokësore,” përfundoi ai.