Varianti Delta, që fillimisht u identifikua në Indi dhe tani është prezentë në të paktën 85 shtete shkaktoi valë të reja infeksionesh në shumë shtete duke bërë që njerëzit të alarmohen.
Ne nje studim të kryer së fundmi në Indi mbi variantin Delta thuhet se zhvillimi i antitrupave pas infektimit natyror jo vetëm që mbron shumë nga reinfektimi, por mbron edhe nga përparimi drejt formës së rëndë të COVID-19. Detaje mbi studimin i dha mjeku i njohur Ilir Alimehmeti(Epidemiolog Klinik ) i cili u shpreh se i duhet besuar natyrës dhe se efektiviteti për mbrojtjen nga reinfekimi apo forma të rënda të sëmundjes është 100%.
Përhapja e këtij varianti ka shkaktuar valë të reja të infeksioneve në disa shtete. Ai është më ngjitës se të gjitha variantet e tjera ekzistuese.
Postimi i plotë:
Nuk mund t’u besosh njerëzve, por gjithmonë mund t’i besosh natyrës.”
Cit.: Dr. Ili Gidov
Imuniteti natyror pas infektimit nga SARS-CoV-2 është goxha i fortë miqtë e mi, ashtu siç edhe pritej!
???????? Studimi i fundit vjen nga Ministria e Shëndetësisë së Indisë, më 19 Korrik 2021, duke kujtuar që ky shtet, përveç varianteve të tjera, ka gjerësisht të pranishëm variantin Delta (B.1.617.2) në qarkullim.
Në studim janë marrë:
1.170 persona që e kishin kaluar COVID-19, dhe
1.068 persona që nuk e kishin kaluar COVID-19.
Ndër të infektuarit më parë (totali 1170) ndodhën:
3 reinfektime të vetme (0.26%), nga të cilët
1 person i vetëm u shtrua në spital por pa nevojë për oksigjen (0.09%).
Ndër të painfektuarit më parë (totali 1068) ndodhën:
127 infektime (11.89%), nga të cilët
30 persona u shtruan në spital (2.81%),
12 persona u shtruan në spital dhe patën nevojë për oksigjen,
4 persona u shtruan në terapi intensive, dhe
1 person u intubua.
Nga këto të dhëna rezulton se:
Efektiviteti për mbrojtjen nga reinfekimi është:
100% – [(3/1170) / (127/1068)] = 100% – 2.16% = 97.84%
Efektiviteti për mbrojten nga format e rënda të sëmundjes është:
100% – [(0/1170) / (12/1068)] = 100% – 0.0% = 100.0%
Këto nivele efektiviteti janë qartësisht ekuivalente ose superiore ndaj efektivitetit të vaksinave të zhvilluara deri tani.
Si rrjedhojë autorët dalin në përfundimin e qartë se:
Gjetjet tona përforcojnë arsyetimin e fortë që zhvillimi i antitrupave pas infektimit natyror jo vetëm që mbron shumë nga reinfektimi, por mbron edhe nga përparimi drejt formës së rëndë të COVID-19.
Pra, miqtë e mi, besojini natyrës, ajo e di më mirë!
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
Akademia e Shkencave të Shqipërisë