Vëllai i George Floyd, i ka bërë thirrje Kombeve të Bashkuara të mërkurën të krijojë një komision të pavarur, për të hetuar vrasjet e afrikano-amerikanëve nga policia në SHBA.
Philonise Floyd tha se ai ka për detyrë që të kërkojë më shumë për vdekjen e të vëllait, George. “Viktima mund të isha unë në Mineapolis atë ditë. OKB në Gjenevë duhet që të hetojë urgjentisht rastin, të shqyrtojë racizmin dhe dhunën e policisë amerikane”, u shpreh ai.
Philonise Floyd deklaroii se Kombet e Bashkuara mund të sjellin drejtësi për vëllanë e tij, që ndërroi jetë gjatë një arrestimi më datë 25 maj 2020. “Shpresoj që ju do të konsideroni krijimin e një komisioni të pavarur hetimi për të hetuar vrasjet policore të njerëzve më ngjyrë në SHBA dhe të protestuesve”, shtoi ai.
Vdekja e George Floyd ka ndezur një sërë protestash në Amerikë, por edhe në vende europiane e kryeqytete të njohura botërore.