Në pritje për të përfunduar kompeticionet europiane të sezonit 2019/2020, Uefa ka zyrtarizuar datat e paraeleminatoreve të Europa League 2020/2021 dhe e bën duke shtuar një të re të rëndësishme: të gjitha raundet kualifikuese do të zhvillohen me ndeshje unike, e jo me formatin klasik vajtje ardhje. Do të jetë një short që do të përcaktojë cila skuadër do të luajë ndeshjen në stadiumin e saj. Kukësi, Laçi e Teuta (me shumë mundësi) janë skuadrat që për momentin janë të interesuar për ndryshimin e formatit.
“Për të patur ndarjen e nevojshme me fazën finale të sezonit 2019/20 e për të evituar impaktin në listën e hyrjeve e mbi klubet e përfshira në të dy fazët e kompeticionit, raundet kualifikuese të tij do të luhen me ndeshje unike”, lexohet në komunikatën zyrtare të Uefa-s.
DATAT
– Turni paraeleminator: 20 gusht
– Turni i parë kualifikues: 27 gusht
– Turni i dytë kualifikues: 17 shtator
– Turni i tretë kualifikues: 24 shtator
– Playoff: 1° tetor
– Faza e grupeve: 22 e 29 tetor, 5 e 26 nëntor, 3 e 10 dhjetor